Нектарий эгинский акафист

Нектарий эгинский акафист

Молитвы при раке

Полезно? Поделись ссылкой!

Молитвы Пресвятой Богородице в честь Ее иконы «Всецарица» (Пантанасса)
Тропарь, глас 4-й

Образом радостотворным честныя Всецарицы, желанием теплым взыскающих благодати Твоея, спаси, Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающее присно.

Кондак, глас 8-й

Новоявленней Твоей иконе предстояще вернии умиленно, воспеваем Ти, Всецарице, раби Твои; низпосли цельбы к Тебе притекающим ныне рабом Твоим. Да вси радостно зовем Ти: Радуйся, Всецарице, недуги наша благодатию исцеляющая.

Молитва первая

Всеблагая, досточудная Богородице, Пантанасса, Всецарице! Несмь достоин, да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси! Ты за мя умоли. Да прославляю преславное имя Твое всегда, ныне и в бесконечныя веки. Аминь.

Молитва вторая

О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из Афонского удела в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощнаго Врача Христа Спаса нашего. Яко живей Ти, сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворною помощь скоро получив, прославляем Живоначальную и Нераздельную Троицу, Отца и Сына и Святаго Духа, во веки веков.

Аминь.

Молитва Пресвятой Богородице в честь Ее иконы «Скоропослушница»
Тропарь, глас 4-й

К Богородице притецем, сущии в бедах, и святей иконе Ея ныне припадем, с верою зовуще из глубины души: скоро наше услыши моление, Дево, яко Скоропослушница нарекшаяся. Тебе бо раби Твои в нуждах готовую помощницу имамы.

Кондак, глас 8-й

В море житейстем обуреваемии, треволнению подпадаем страстей и искушений. Подаждь убо нам, Госпоже, руку помощи, якоже Петрови Сын Твой, и ускори от бед избавити ны, да зовем Ти: радуйся, всеблагая Скоропослушнице.

Молитва

Преблагословенная Владычице, Приснодево Богородице, Бога Слова паче всякаго слова на спасение наше рождшая и благодать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери Человеколюбиваго Владыки: удиви на нас пребогатыя милости Твоя и прошения наша, приносимая Тебе, Скоропослушнице, ускори исполнити все, еже на пользу, во утешение и спасение коемуждо устрояющи. Посети, Преблагая, рабы Твоя благодатию Твоею и подаждь недугующим цельбу и совершенное здравие, обуреваемым тишину, плененным свободу и различными образы страждущих утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий; и душевнаго разслабления, обуревания страстей и грехопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно, и во веки веков. Аминь.

Молитва святителю Нектарию Эгинскому
Тропарь, глас 1-й

Силиврии отрасль и эгины хранителя, в последняя лета явльшагося, добродетели друга искренняго, Нектария почтим вернии, яко божественнаго служителя Христова: точит бо цельбы многоразличныя благочестно вопиющим: слава Прославльшему тя Христу, слава Давшему ти чудес благодать, слава Действующему тобою всем исцеления.

Кондак, глас 2-й

Божественный гром, труба духовная, веры насадителю и отсекателю ересей, Троицы угодниче, великий святителю Нектарие, со ангелы предстоя присно, моли непрестанно о всех нас.

Молитва

О, Святителю Нектарие, отче Богомудрый! Приими, блюстителю веры православныя, исповедание устен людей христоименитых, собранных днесь в храме благодатию Божиею, в тебе живущею. Весть бо достиже до предел Российских, яко ты, великий во святых угодниче Христов, во всех концех вселенныя призывающим имя твое являешися и от раковыя болезни исцеление даруеши.

Слышахом об иерее, тебе тезоименитом и храм во имя твое созидавшем, со скорбьми велиими. Раковою убо язвою грудною поражен бе, крови на всяк день точащейся, и страждаше люте; дела же своего святаго не оставляше.

Внезапу ты, Святителю многомилостиве, с небесе сшед, ему во храме предстал еси в видимом образе. Он же, непщуя тя собрата, едина от смертных быти, прошаше молитв твоих и рече: «Боляй есмь вельми, обаче хощу святый олтарь наздати, да поне единожды святую литургию вкупе с прихожаны совершу; послежде н умрети готов есмь, смерть бо мя не страшит».

Ты же, отче, безплотен сый, слезами лице свое орошаше! и объем страдальца, лобызаше и, глаголя: «Не тужи, чадо мое, яко, болезнию испытан, здрав будеши. Вси убо о чудеси сем ведати имут». Он же, исцелен быв, асбие разуме, с кем беседоваше, тебе невидиму бывшу. О, великий угодниче Христов Нектарие! Храм оный свершен есть ныне и чудеса твои, аки море преизливающееся, умножишася! Мы же познахом, яко молитве праведника должно поспешествуемой быти усердием нашим к службе Божией и решимостию за Христа умирати, да здрави обрящемся. Молят тя, отче праведный, болящая чада твоя: да свершается с нами воля Божия, благая, угодная и совершенная, не хотящи смерти грешнику, но еже обратитися и живу быти ему.

Ты же, провозвестниче воли Божией, исцели ны благодатным явлением своим, да велик будет Бог на небеси и на земли во веки веков! Аминь.

Сайт нуждается в вашей помощи!

С каждым днём на сайт molitvoslov.today заходит всё больше и больше людей. Он для этого и создавался: в конечном итоге стать самым популярным и полным в рунете собранием молитв, акафистов, канонов и изображений икон. Но для развития ресурса нужны средства: ежегодное продление домена, оплата хостинга и услуг авторов статей. Обвешивать же сайт рекламой, как новогоднюю ёлку, совсем не хочется. Поэтому маленькая просьба ко всем кто долистал страницу до этого места и кому понравился molitvoslov.today: буду благодарен любой финансовой помощи на его развитие. Мир Вам!

» Молитвы при проказеМолитвы при болезнях сердца «

Святитель Нектарий Пентапольский, Эгинский Чудотворец

Память 9/22 ноября

Святитель Нектарий Пентапольский явился тем человеком, который смиренно принес всего себя в благоприятную жертву Богу. После его праведной кончины Господь прославил его неисчислимым множеством чудес от мощей, сохранявшихся в течение десятилетий нетленными и источавшими неизреченное благоухание. Святой Нектарий стал для Православной Церкви даром Божиим, а его праведная жизнь и преподобная кончина подтверждают то, что не перестанет Святая Церковь приносить в дар человечеству святых даже до скончания века.

Святитель Нектарий родился в Силиврии Фракийской (недалеко от Константинополя) 1 октября 1846 года. Родители его Димос и Балу (Мария) Кефаласы кроме Анастасия (такое имя получил в крещении св. Нектарий) имели еще шестеро детей. Когда родители учили маленького Анастасия молитвам, то при чтении 50-го псалма он останавливался на стихе «Научу беззаконныя путем Твоим…» и повторял его множество раз, прообразуя тем самым свою будущую проповедническую деятельность, через которую многие были научены Закону Господню, многие отвратились от беззаконий и возвратились на пути благочестия и спасения. Будучи семилетним отроком, он стал покупать бумагу и сшивать ее, а на вопрос матери, зачем он это делает, отвечал, что готовит книги, чтобы писать в них слова Божии. В четырнадцать лет, горя желанием продолжить учебу, переехал в Константинополь. Здесь суровым трудом зарабатывал себе на хлеб, работая на одном из табачных складов. Пребывая непрестанно в молитве и чтении святых отцов, он старался и другим принести пользу, отпуская покупателям товар в обертках, на которых, по его словам, он записывал душеполезные изречения подвижников. Почти каждый день он посещал храм Святогробского подворья, где и прислуживал.

В 1866 году св. Нектарий переехал на остров Хиос, где в течение семи лет работал учителем в школе. Будучи с детства ревнителем монашеского жития, по достижении своего тридцатилетия принял постриг с именем Лазарь в монастыре Святых Отцов на том же острове Хиос, а затем 15 января 1877 года был рукоположен во диакона с наречением имени Нектарий (доныне в Греции есть обычай менять имя при хиротонии).

В 1881-1885 годах св. Нектарий учился на богословском факультете Афинского университета, который успешно окончил с общим баллом «хорошо» в аттестате. По окончании учебы переехал в Александрию, где патриархом Софронием, ценившим образованных клириков и привлекавшим их к себе, был рукоположен во пресвитера. Спустя пять месяцев был возведен в сан Великого Архимандрита и назначен Духовником Патриархии. В это время поле его деятельности было самым разнообразным: с великой ревностью и самоотвержением он неустанно трудится в Каире, исповедуя, посещая больницы и дома престарелых, проповедуя, заботясь об обновлении храмов, составляя и издавая книги. С еще большей энергией он продолжает эти труды после рукоположения его во епископа 15 января 1889 года. Он стал митрополитом Пентапольским. Это была некогда знаменитая кафедра в Ливии, но с VII века она стала приходить в упадок и в конце концов перестала существовать. По существу св. Нектарий был лишь титулярным епископом.

Однако великая любовь и почитание простого православного народа вызвали, как это порой случается, зависть некоторых высокопоставленных лиц из Патриархии. Они обвинили святого в стремлении занять патриарший престол и возвели на него злобную клевету в его якобы неподобающем нравственном поведении. Покровительствовавший ему вначале патриарх Софроний поверил клевете и святой Нектарий летом 1890 года был изгнан из Египта. Этот факт на многие десятилетия омрачил историю Александрийской Церкви, и только недавно нынешний патриарх Петр, посетив остров Эгина во время торжеств памяти святого, официально принес святителю покаяние от лица своей Церкви за эту несправедливость к нему.

Итак, св. Нектарий был вынужден в течение четырех лет странствовать по различным областям Греции (Афины, Эвбия, Спарта, Ламия) и исполнять возложенное на него Синодом служение-проповедовать слово Божие. Наконец, в 1894 году он назначается директором Афинской церковной школы, называемой Ризарион. Здесь его образ оставил о себе самые яркие воспоминания в душах воспитанников школы-будущих священнослужителей. «Он молился,-вспоминал впоследствии один из них,-без преувеличения денно и нощно, молился за спасение всего мира. Непамятозлобный, он любил всех, а лукавых обезоруживал своим чистым взором. Он был человеком, но жил по-ангельски». В это же время несколько благочестивых женщин, его духовных чад, выразили свое желание стать монахинями, что и побудило св. Нектария к основанию женского монастыря. Вскоре нашлось подходящее место на острове Эгина, и с помощью Божией там был заново возведен разрушенный монастырь. В 1907 году святитель оставляет (по причине слабого здоровья) Ризарион и переселяется в основанную им обитель на Эгину, где он пребывал до своей кончины.

9-го ноября 1920 года святитель мирно почил, предав блаженную свою душу в руки Божии. Его благоухающие мощи более четверти века сохранялись полностью нетленными, но к 1953 году, когда мощи были перенесены из гроба святого в храм, его тело истлело. Об этом предсказал сам святитель Нектарий: явившись одному благочестивому христианину, он пояснил, что Господь благоволил остаться только косточкам, чтобы они распространились по всему миру, где только ни будет находиться храм в честь его имени.

Упомянем об одном из многочисленных чудес святого Нектария.

Корабль, совершавший плавание по Средиземному морю, попал в шторм, и ему угрожало потопление. Капитан, не видя надежды на спасение, приказал всем покинуть судно. Сам же спустился в рубку за судовым журналом. Вдруг он увидел там спокойно сидевшего седого старца. Поскольку на корабле не было священников, капитан принял его за «зайца» и спросил: «Ты что здесь делаешь?» «Не бойся,-ответил мирно старец,-никто из вас не потерпит никакого вреда. Скажи, чтобы все возвратились на судно». «Откуда ты это знаешь?-спросил с недоумением капитан.-Корабль тонет!» «Чадо,-успокоил его старец,-я из Эгины. На твоем корабле есть многие, которые меня знают. Итак, сейчас пойди, возьми лампадку от святителя Николая и брось ее в море». Тот повиновался, и совершилось чудо! Тотчас же шторм утих, и на море сделалась тишина. Тогда капитан зовет всех, кто был из Эгины, и спрашивает, какого святого они имеют у себя на острове. «Святого Нектария!»-в один голос ответили они. «Знаете, что святой Нектарий пришел к нам на корабль и сейчас находится внутри?» Осенив себя крестным знамением, все бросились внутрь, но святитель уже исчез, сотворив это чудо спасения корабля.

Приведем также некоторые из поучений святителя.

О вере: «Сколь велика, сколь чудесна сила веры! Основания земли подвигаются, стихии покоряются, горы переносятся, и вообще всякое могущественное противодействие против силы веры склоняет свою шею и смиряется перед нею. Человеческий разум чувствует свое ничтожество перед ее величием. Напрасно духи гордыни хотят проникнуть в таинство веры, напрасно трудятся стремящиеся постигнуть непостижимое. Неудача их огорчает, а превозношение приводит их в гнев. Одержимые этим гневом, они осуждают веру, а в гордыне своей презирают ее».

«Доверьтесь Богу Благому, Сильному, Живому, хотящему ввести вас в покой. За испытаниями следует духовная радость. Господь Своею любовью внимает терпящим испытания и скорби. Да не смущается сердце ваше, да не устрашается, яко с нами Бог!»

В вопросе об инославных св.Нектарий как истинный иерарх стоял за православную веру и боролся с еретиками, однако с болью воспринимал разделение церквей и стремился к тому, чтобы христиане различных деноминаций воспринимали друг друга не как врагов, но как чад единого Бога. Он писал: «Ревнитель не по разуму есть человек несчастный и достойный всякого сожаления».

О моральных качествах клириков: «Духовный пастырь обязан дома, и в церкви, и в общении-везде и всегда хранить образ своего священнического достоинства (священнолепия), которое всегда должно украшать его. Иерей, не исполняющий этого и следующий чуждому жительству, трудится напрасно и черпает в дырявый сосуд, требуя от паствы благоговения и почитания. Достоинство для священника есть та истинная одежда, которая украшает его более всякого украшения. Достойный иерей приносит в сердца верных упокоение, мир совести, становится для них примером христианской жизни, являет собой живой образ христианской религии, по которому о божественности евангельских начал могут судить даже внешние. Они, удивляясь образу, удивляются нашей божественной вере и говорят: «Смотрите, какие есть у христиан пастыри!» Достоинство отражает нападения, заграждает и несмолкающие уста, охраняет отовсюду священника и делает его непреодолимым».

Святитель Нектарий был истинным монахом и любил монашество, украшенное подвигами и добродетелями. Сохранились его поучения монашествующим: «Утверждай свое призвание, храни свое исповедание, подтверждай свою веру, укрепляй свою надежду, свидетельствуй о своей любви, храни свое жительство безукоризненным, чтобы угодить Господу… Пост, бдение и молитва суть средства к достижению цели, но не цель, ради которой вы удалились в пустыню. Подвизайтесь, чтобы освободиться от душевных страстей… Служение доброе Богу и жертва Ему благоприятная есть дух сокрушенный и сердце смиренное, но не дух вознесенный и надменный и сердце безжалостное и страстное. Подвизайтесь прежде всего смирить ваш эгоизм… Девственница становится святой, когда она чтит свое тело как святую скинию, в которую вселился Бог, хранит его чистым и непорочным, а душу или дух хранит неоскверненной страстями… Считаю своим долгом сказать вам (монахиням), что вы должны иметь особенное внимание в отношениях между собой и иметь благоговение к священным лицам… Тело подчиняем и порабощаем не для того, чтобы оно стало ненужным для служения душе, но чтобы оно не восставало против духа. Ослабивший тело и доведший его до состояния, когда оно не может служить душе, сотворил ее (т.е. душу) рабою раба… Советую вам иметь рассуждение и разумность во всем и не впадать в крайности. Строгости шествуют рядом с умеренностью добродетели. Когда вы здоровы, тогда преуспеваете, когда же болеете-напрасны ваши труды. Не натягивайте струну сверх меры. Научитесь, что Бог не по принуждению дает дары, но дарует их, когда хочет».

Акафист святителю Нектарию митрополиту Пентапольскому Эгинскому чудотворцу

Кондак 1

Взбранный Нектарие Пентаполя митрополите и Эгинский чудотворче, приносим ти прошения о болящих сродниках наших: изряден бо явился еси целитель раковыя язвы и прочих недугов, всей вселенней благодать даруя, сего ради единеми усты и единем сердцем воспеваем ти присно: радуйся, Нектарие, Архиерею Божий.

Икос 1

Ангела хранителя во святем крещении обретый, от младых ногтей равноангельскаго жития возжелал еси, отче наш Нектарие; ныне же со Ангелы зрением Славы Божия наслаждаяйся, моли всех Ангелов Владыку о поющих ти сицевая: Радуйся, венчанных родителей плоде благословенный; радуйся, от чрева матери Богом освященный. Радуйся, издетска навыкший послушанию; радуйся, от юности изучивый Писания. Радуйся, Божиих словес одушевленная книго; радуйся, живая боголюбия скрижаль. Радуйся, Богом избранный за кротость и смирение; радуйся, дом оставивый духовнаго ради учения. Радуйся, яко тебе ради буря зельна на мори утишися; радуйся, яко поясом твоим надломленная мачта укрепися. Радуйся, орля юное, имуще криле умныя молитвы; радуйся, елене, взыскавый источники покаяния. Радуйся, Нектарие, Архиерею Божий.

Кондак 2

Видящи тя на воздусе молящася, черница некая престрашна бысть, Боголюбче; ты же дар молитвы сокрывая, уста девы клятвою запечатлел еси Господу в сердце воспев: Аллилуиа.

Икос 2

Разум Христов молитвою стяжал еси, святый Нектарие, во еже разумети, что есть воля Божия, благая, угодная и совершенная; научи и нас на всяком месте воздевати руки к Богу без гнева и сомнения, да приимеши от нас похвальная: Радуйся, во юдоли плачевне восхождения положивый; радуйся, плоды Духи израстивый. Радуйся, чадо горы Афонския; радуйся, ключу молитвы Иисусовы. Радуйся, древляго благочестия светило; радуйся, граде Святыя Троицы. Радуйся, благодатию осененный; радуйся, Херувиме огненный. Радуйся, соль земли обетованныя; радуйся, слезами сеявый, пожавый радостию. Радуйся, на немже процвете святыня Христа; радуйся, яко Бог благодействова тя. Радуйся, Нектарие, Архиерею Божий.

Кондак 3

Силою Вышняго облеченный, отче Нектарие, силу словес Христовых утвердил еси: во Царствии Моем, — Той рече, — ни женятся, ниже посягают, но яко Ангели на небеси, выну поют: Аллилуиа.

Икос 3

Имущи Пречистая Богородица в услужении все воинство небесное, тебе, угодниче, аки Ангела во плоти, воспевателя чудес Своих постави: мы же, Мариин омофор над тобою зряще, со страхом и любовию припадаем ти: Радуйся, тайный избранниче Богоматере; радуйся, велений Ея исполнителю. Радуйся, духа кротости от Чистыя Голубицы приявый; радуйся, в песнех духовных Приснодеву прославивый. Радуйся, учай угождати неба и земли Царице; радуйся, молитвами Матере милость у Сына обретый. Радуйся, мерило праведности и мудрости палато; радуйся, высото рассуждения и смирения глубино. Радуйся, Эгинский крине, нектар покаяния точащий; радуйся, Эдемская пчело, медом богословия нас снабдевающая. Радуйся, мироварнице, миро изливающая; радуйся, чаше духовного омовения. Радуйся, Нектарие, Архиерею Божий.

Кондак 4

Раковую язву кровоточащу на груди имея, иерей храма твоего, Нектарие, смятеся, егда ты явлься облобыза его, аки во плоти сый; он же исцеление получив, тебе невидиму бывшу, со слезами возопи Богови: Аллилуиа.

Икос 4

Слышаша мнози о дивнем исцелении, при жизни тобою содеянном, егда во стране Канадстей, святей Литургии служиме, в Дусе явился еси, чудотворче Нектарие, и расслаблена некоего мужа воздвигл еси, к Чаше его призывая; той же здрав бысть, веси Эгинския достиг и, тя во плоти узрев, велегласно взываше: Радуйся, врачу гостеприимный, Греции похвало; радуйся, Николая Чудотворца славу стяжавый. Радуйся, кладезю благостыни; радуйся, милосердый самарянине. Радуйся, даром чудес обогащенный; радуйся, посещаяй люди смиренныя. Радуйся, утешаяй нас чудесы неложными; радуйся, яко невозможная другим тебе возможна. Радуйся, яко скорби наша на радость прелагаеши; радуйся, ты бо от очей наших слезы отираеши. Радуйся, одержимых бесы свободителю; радуйся, раковыя язвы исцелителю. Радуйся, Нектарие, Архиерею Божий.

Кондак 5

Боготечною звездою покаяния возшел еси, отче, над вселенней, лучи сокрушения о людских беззакониях выну испущаяй; озари умы наша к зрению грех наших, да умилостивим Владыку пением: Аллилуиа.

Икос 5

Видеша отроковицы чистыя Архиерея своего, в лепоте души и тела Богу предстояща, и познав в нем великаго молитвенника и чудотворца, согласно возгласиша ти, святителю Нектарие: Радуйся, Христа присное жилище; радуйся, Духа дивное сокровище. Радуйся, царское священие Великаго Архиерея; радуйся, призванный к Престолу Вечнаго Царя. Радуйся, Плоти Христове сотелесниче; радуйся, Крове Святыя причастниче. Радуйся, глашатаю покаяния; радуйся, ходатаю о нас пред Богом. Радуйся, Нектарие, Ангелы веселяяй; радуйся, пламеню, демоны пожигаяй. Радуйся, пучино щедрот; радуйся, море чудес преславных. Радуйся, Нектарие, Архиерею Божий.

Кондак 6

Проповедниче Единаго Благаго, Нектарие блаженный, тя, смирившася под крепкую руку Божию, Той превознесе; в страстном мори влающихся не забуди чад твоих, но на брезе смирения постави я, да возвеличат Бога твоего, воспевая: Аллилуиа.

Икос 6

Возсиявшу свету блаженств Христовых, от степени в степень востекл еси, богомудре Нектарие: кротостию и миром, воздержанием и любовию душу свою просветил еси, да от нас ныне слышыши сицевая: Радуйся, носивый ризу смирения; радуйся, обиды покрывавый прощением. Радуйся, наслаждаяйся о множестве мира; радуйся, наследуяй землю кротких. Радуйся, фиале покаяннаго плача; радуйся, чистоты сердечныя зерцало. Радуйся, именем Иисусовым насыщенный; радуйся, водами Писаний напоенный. Радуйся, милость и суд возвестивый; радуйся, любовию вражду упразднивый. Радуйся, благочестивый житием; радуйся, гонимый правды ради. Радуйся, Нектарие, Архиерею Божий.

Кондак 7

Хотя человек Божий совершен быти, Нектарие праведне, путь непорочных избрал еси: на Эгинстем острове житейское море, аки в ковчезе, преплавая, победительная воспевал еси Господеви: Аллилуиа.

Икос 7

Новаго Завета учитель изряден явился еси, слово Божие житием своим проповедавый: яко несть наша брань противу плоти и крове, но миродержателем тьмы века сего. Мы же о Господе возмогая, вопием ти, державне Нектарие: Радуйся, доблий воине Иисуса Христа; радуйся, язво духовом злобы поднебесным. Радуйся, вся оружия Божия восприявый; радуйся, препоясавый чресла истиною. Радуйся, яко нозе твои красны благовестием мира; радуйся, яко на версе твоем утвержден шлем спасения.

Радуйся, щите веры, имже вернии ограждаются: радуйся, мечу обоюдоострый, ереси посяцаяй. Радуйся, победителю, от древа жизни вкушаяй; радуйся, человече Божий, странный смерти вторыя. Радуйся, свидетелю веры истинные; радуйся, райская ветвь спасения. Радуйся, Нектарие, Архиерею Божий.

Кондак 8

Странное обретеся в тебе совершенство, точию совершенным в любве доступное; усоверши любовию души наша, любвеобильне Нектарие, да в мужа совершенна достигше, поем Богови: Аллилуиа.

Икос 8

Весь был еси в нижних, смиренным последуя, в вышних с Богом, сиречь с Любовию, пребывая; даруй нам, о, неботаинниче Нектарие, любве познание, во еже пети ти сицевая: Радуйся, яко пленником содеялся еси любве Божия; радуйся, яко чад своих любовию пленил еси. Радуйся, выю под иго Спасово подклонивый; радуйся, бремена ближних носивый. Радуйся, в любве укорененный; радуйся, в милости утвержденный. Радуйся, широту и долготу Креста разумеваяй; радуйся, высоту и глубину Древа постигаяй. Радуйся, разумниче любве, разум превосходящая; радуйся, полноты Божия вместилище. Радуйся, в уме держай елика истинна, праведна и честна; радуйся, сердцем любяй елика пречиста, доброхвальна и прелюбезна. Радуйся, Нектарие, Архиерею Божий.

Кондак 9

Всякое естество ангельское и человеческое удивися образу, великий Нектарие, в тебе явленному: яко несть во Христе ни иудей, ни эллин, ни раб, ни свободь, ни мужеск пол, ни женский, но нова тварь, Искупителю твари поющая: Аллилуиа.

Икос 9

Ветия многовещанныя умолкоша, житию твоему, святый отче Нектарие, дивящеся, како свят был еси, грешным ся именовавый; духовен был еси, из земли перстныя взятый: по смерти вознесен был еси, при жизни умом до ада низшедый; мы же отверзше уста, аки дети вопием: Радуйся, главо, веру возвысившая; радуйся, уста, безбожие посрамившия. Радуйся, око, Боговедением просвещенное; радуйся, деснице, могуществом Его укрепленная. Радуйся, смиряяй кичливыя умы; радуйся, сокрушаяй гордая сердца. Радуйся, явивый силу в немощи; радуйся, в слезах нашедый радость. Радуйся, умерый и живый; радуйся, земный и небесный. Радуйся, горушное семя живота; радуйся, зрелый класе Воскресения. Радуйся, Нектарие, Архиерею Божий.

Кондак 10

Спасти хотя душу свою, яко деву, единему Жениху ту обручил еси; ныне же вшед в невестник Христов с лики девственных, Нектарие славне, поеши песнь: Аллилуиа.

Икос 10

Стена еси всем прибегающим к тебе, достохвальне Нектарие, имаши бо благодать немощныя врачевати и к небесному наследию возводити: нас убо, чад твоих, уврачуй и в Царствие Христово возведи, да вседушно речем ти сицевая: Радуйся, старче благодатный; радуйся, юниц путевождь преизрядный. Радуйся, невинный пастырю невинных овец; радуйся, мудрый собирателю девственных жемчужин. Радуйся, вселенныя духовный окормителю; радуйся, Евхаристии пламенный служителю. Радуйся, гласе смиреннаго Христа; радуйся, глаголе зиждительнаго Духа. Радуйся, в терпении искушенный; радуйся, скорбьми очищенный. Радуйся, поборниче Божия правды; радуйся, наследниче Христовы славы. Радуйся, Нектарие, Архиерею Божий.

Кондак 11

Пение Богоматери приносил еси, угодниче Божий, Материю Света Деву именуя, ныне же совершенне просветился еси разумением тайны воплощения, вознося горе глас: Аллилуиа.

Икос 11

Светом Божественныя славы просвещаема зрим тя, Нектарие, в чертозе славы: просвети одеяние душ наших Троическим сиянием, да воспеваем ти непрестанно: Радуйся, каменю драгий Царевы диадимы; радуйся, молние Носимаго на Серафимex. Радуйся, яко светла заповедь, просветившая очи твоя; радуйся, яко возлюбил еси ю паче злата и топазия. Радуйся, сребро разжжено, очищено седмерицею; радуйся, гусли духовныя, Спасова цевнице. Радуйся, в сердцы имя Божие написавый; радуйся, любовию подвиг веры оправдавый. Радуйся, святыню Духа носивый; радуйся, освятивый души, растленныя страстьми. Радуйся, праведностию, аки виссоном убеленный; радуйся, Троицы познанием озаренный. Радуйся, Нектарие, Архиерею Божий.

Кондак 12

Благодать, от Бога ти данную, умножая умножил еси, рабе Божий, благий и верный Нектарие, темже и нас куплю духовную деяти сотвори, да обретше лихву, Христу воспоим: Аллилуиа.

Икос 12

Поюще твоя чудеса, пречудне Нектарие, вемы, яко Христос в тя богатно вселися, сего ради чудодейну десницу Его на нас низведи, глаголющих сице: Радуйся, преемниче древних отцев; радуйся, новый угодниче Христов. Радуйся, Великия Церкве красото; радуйся, всемирная надеждо. Радуйся, себе уничиживый, Богом прославленный; радуйся, в последних ходивый, первым поставленный. Радуйся, дела обители точию знавый, егоже знает вселенная; радуйся, чуждый дольния славы, небесною мздою почтенный. Радуйся, иже по кончине недвижим лежай, недужна восстави; радуйся, иже многим явивыйся, плач о кончине устави. Радуйся, две златницы, монашества и священства, от Бога получивый; радуйся, с лихвою цельбы и чудес злато Христу возвративый. Радуйся, Нектарие, Архиерею Божий.

Кондак 13

О, священная главо, дивный врачу Архиерею Божий Нектарие! Приими ныне малое, обаче теплое моление чад твоих, благодати сущей в тебе верующих. Даруй нам недугов исцеление и от вечныя избави погибели, да Христу Спасу нашему взываем с радостию: Аллилуиа.

(Этот кондак читается трижды, затем икос 1 и кондак 1)

Молитвы святителю Нектарию митрополиту Пентапольскому Эгинскому чудотворцу

Молитва первая

О, мироточивая главо, Святителю Нектарие, Архиерею Божий! Во времена великаго отступления, нечестию мир пленившу, благочестием просиял еси и главу прегордаго Денницы, уязвляющаго нас, сокрушил еси. Сего ради дарова ти Христос врачевати язвы неисцельны, за беззакония наша нас поразившия. Веруем: возлюби тя Бог праведнаго, да тебе ради нас, грешных, помилует, от клятвы разрешит, от недуг избавит, и по всей вселенней страшно и славно будет имя Его, Отца и Сына и Святаго Духа, ныне и присно и во веки веков. Аминь.

Молитва вторая

О, Святителю Нектарие, отче Богомудрый! Приими, блюстителю веры православныя, исповедание устен людей христоименитых, собранных днесь в храме благодатию Божиею, в тебе живущею. Весть бо достиже до предел Российских, яко ты, велий во святых угодниче Христов, во всех концех вселенныя призывающим имя твое являешися и от раковыя болезни исцеление даруеши. Слышахом об иерее, тебе тезоименитом и храм во имя твое созидавшем со скорбьми велиими. Раковою убо язвою грудною поражен бе, крови на всяк день точащейся, и страждаше люте, дела же своего святаго не оставляше. Внезапу ты, Святителю многомилостиво, с небесе сшед, ему во храме предстал еси в видимом образе. Он же непщуя тя собрата едина от смертных быти, прошаше молитв твоих и рече: «Боляй есмь вельми, обаче хощу святый олтарь наздати, да поне единожды святую Литургию вкупе с прихожаны совершу; послежде и умрети готов есмь, смерть бо мя не страшит». Ты же, отче, безплотен сый, слезами лице свое орошаше! и объем страдальца, лобызаше и глаголя: «Не тужи, чадо мое, яко, болезнию испытан, здрав будеши. Вси убо о чудеси сем ведати имут». Он же, исцелен быв, абие разуме, с кем беседоваше, тебе невидиму бывшу. О, великий угодниче Христов Нектарие! Храм оный свершен есть ныне, и чудеса твои аки море преизливающееся умножишася! Мы же познахом, яко молитве праведника должно поспешествуемой быти усердием нашим к службе Божией и решимостью за Христа умирати, да здрави обрящемся. Молят тя, отче праведный, болящая чада твоя: да совершается с нами воля Божия, благая, угодная и совершенная, не хотящи смерти грешнику, но еже обратитися и живу быти ему. Ты же, провозвестниче воли Божией, исцели ны благодатным явлением своим, да велик будет Бог на небеси и на земли во веки веков! Аминь.

Святителю Нектарию, митрополиту Пентапольскому, Эгинскому чудотворцу (тропари и молитвы)

Тропарь, глас 4:

Преподо́бнически пожи́в, я́ко му́дрый иера́рх,/ просла́вил еси́ Го́спода/ доброде́тельным житие́м, Некта́рие преподо́бне./ Те́мже, Уте́шителя просла́влен си́лою,/ Боже́ственными мощми́ твои́ми,/ де́моны отго́ниши и боля́щия исцеля́еши,// ве́рою приходя́щия ти.

Ин тропарь, глас 1:

Силиврии о́трасль и Эги́ны храни́теля, в после́дняя ле́та я́вльшагося, доброде́тели дру́га и́скренняго, Некта́рия почти́м ве́рнии, я́ко боже́ственнаго служи́теля Христо́ва: то́чит бо цельбы́ многоразли́чныя благоче́стно вопию́щим: сла́ва просла́вльшему тя Христу́, сла́ва да́вшему ти чуде́с благода́ть, сла́ва де́йствующему тобо́ю всем исцеле́ния.

Молитва первая

О, мироточи́вая главо́, святи́телю Некта́рие, архиере́ю Бо́жий!

Во времена́ вели́каго отступле́ния, не́честию мир плени́вшу, благоче́стием просия́л еси́ и главу́ прего́рдаго Денни́цы, уязвля́ющаго нас, сокруши́л еси́. Сего́ ра́ди дарова́ ти Христо́с врачева́ти я́звы неисце́льны, за беззако́ния на́ша нас порази́вшия. Ве́руем: возлюби́ тя Бог пра́веднаго, да тебе́ ра́ди нас, гре́шных, поми́лует, от кля́твы разреши́т, от неду́г изба́вит, и по всей вселе́нней стра́шно и сла́вно бу́дет и́мя Его́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молитва вторая

О, святи́телю Некта́рие, о́тче Богому́дрый! Приими́, блюсти́телю ве́ры правосла́вныя, испове́дание усте́н люде́й христоимени́тых, со́бранных днесь в хра́ме благода́тию Бо́жиею, в тебе́ живу́щею. Весть бо дости́же до преде́л Росси́йских, я́ко ты, ве́лий во святы́х уго́дниче Христо́в, во всех конце́х вселе́нныя призыва́ющим и́мя твое́ явля́ешися и от ра́ковыя боле́зни исцеле́ние да́руеши. Слы́шахом об иере́е, тебе́ тезоимени́том и храм во и́мя твое́ созида́вшем со скорбьми́ ве́лиими. Ра́ковою у́бо я́звою грудно́ю пораже́н бе, кро́ви на всяк день точа́щейся, и стражда́ше лю́те, де́ла же своего́ свята́го не оставля́ше. Внеза́пу ты, святи́телю многоми́лостиво, с Небесе́ сшед, ему́ во хра́ме предста́л еси́ в ви́димом о́бразе. Он же непщу́я тя собра́та еди́на от сме́ртных бы́ти, проша́ше моли́тв твои́х и рече́: «Боля́й есмь вельми́, оба́че хощу́ святы́й олта́рь назда́ти, да поне́ еди́ножды святу́ю Литурги́ю вку́пе с прихожа́ны совершу́; после́жде и умре́ти гото́в есмь, смерть бо мя не страши́т». Ты же, о́тче, безпло́тен сый, слеза́ми лице́ свое́ ороша́ше! и объе́м страда́льца, лобыза́ше и глаго́ля: «Не тужи́, ча́до мое́, я́ко, боле́знию испы́тан, здрав бу́деши. Вси у́бо о чудеси́ сем ве́дати и́мут». Он же, исцеле́н быв, а́бие разуме́, с кем бесе́доваше, тебе́ неви́диму бы́вшу. О, вели́кий уго́дниче Христо́в Некта́рие! Храм о́ный сверше́н есть ны́не, и чудеса́ твои́ а́ки мо́ре преизлива́ющееся умно́жишася! Мы же позна́хом, я́ко моли́тве пра́ведника до́лжно поспешеству́емой бы́ти усе́рдием на́шим к слу́жбе Бо́жией и реши́мостью за Христа́ умира́ти, да здра́ви обря́щемся. Мо́лят тя, о́тче пра́ведный, боля́щая ча́да твоя́: да соверша́ется с на́ми во́ля Бо́жия, блага́я, уго́дная и соверше́нная, не хотя́щи сме́рти гре́шнику, но е́же обрати́тися и жи́ву бы́ти ему́. Ты же, провозве́стниче во́ли Бо́жией, исцели́ ны благода́тным явле́нием свои́м, да вели́к бу́дет Бог на Небеси́ и на земли́ во ве́ки веко́в! Ами́нь.

Назад к списку

Добавить комментарий

Ваш e-mail не будет опубликован. Обязательные поля помечены *