Григорий палама: житие и иконография святого, тексты молитв и тропарей

Григорий Палама: житие и иконография святого, тексты молитв и тропарей

Текст утвержден Священным СинодомРусской Православной Церкви26 декабря 2012 года(журнал № 131)

Творение Герасима монаха Микрагианнанита

Кондак 1, глас 8

Подобен: Взбранной Воеводе:

Фессалони́тскаго па́стыря всеизря́днаго и Це́ркве свети́ло многосве́тлое воспои́м в пе́снех боговеща́нных: Све́та бо незаходи́маго яви́ся селе́ние, и подае́т просвеще́ние и благода́ть незави́стную зову́щим: Ра́дуйся, о́тче Григо́рие, благода́ти пропове́дниче.

Икос 1

Ангел в ми́ре, я́ко вы́шних зри́тель, показа́лся еси́, Григо́рие всеблаже́нне, и богови́дным твои́м житие́м а́нгельская дарова́ния улучи́л еси́. Те́мже, твое́й све́тлости дивя́щеся, о́тче, вопие́м: Ра́дуйся, и́мже Свет боже́ственный сия́ет; ра́дуйся, и́мже тьма отгна́ся. Ра́дуйся, прему́дрости ве́рте благово́ннейший; ра́дуйся, наказа́ния лу́чшаго прича́стниче.

Ра́дуйся, высото́ неудобозри́мая высо́ких виде́ний; ра́дуйся, глубино́ непроходи́мая даро́в духо́вных. Ра́дуйся, я́ко еси́ церко́вная све́тлость; ра́дуйся, я́ко показа́лся еси́ правосла́вных кре́пость. Ра́дуйся, свети́ло ве́ры всесве́тлое; ра́дуйся, свети́льниче благода́ти незаходи́мый.

Ра́дуйся, его́же ра́ди буесло́вцы умолка́ют; ра́дуйся, его́же ра́ди богосло́вцы взыгра́ют.

Ра́дуйся, о́тче Григо́рие, благода́ти пропове́дниче.

Кондак 2

Зре́ние души́ твоея́ от ю́ности, о́тче, ко Христу́ Царю́ простира́я, ца́рския презре́л еси́ дворы́ и земну́ю сла́ву оста́вил еси́, по́стническими же труды́ Го́сподеви после́дуя, воспева́л еси́: Аллилу́ия.

Икос 2

  • Ра́зуму вне́шнему всему́ обучи́лся еси́, всеблаже́нне, я́ко разу́мен и зело́ остроу́мен, отню́дуже Прему́дрости Бо́жия добро́ты рачи́тель яви́лся еси́, Григо́рие, умудря́я боже́ственными словесы́ твои́ми благогове́йне ти вопию́щия: Ра́дуйся, нра́вов преподо́бных сосу́де; ра́дуйся, Све́та невеще́ственнаго сокро́вище. Ра́дуйся, ко́рене благоро́днаго дре́во всепло́дное;
  • ра́дуйся, благоче́стия кинна́моне[1] благово́нный.
  • Ра́дуйся, о́тче Григо́рие, благода́ти пропове́дниче.

Ра́дуйся, цве́те неувяда́емый земледе́лания та́инственнаго; ра́дуйся, фи́никс многопло́дный благопло́дия душе́внаго. Ра́дуйся, я́ко презре́л еси́ лесть мирску́ю; ра́дуйся, я́ко прия́л еси́ благода́ть богода́нную. Ра́дуйся, Христо́в служи́телю тепле́йший; ра́дуйся, тле́нных вся́ческих превы́шший. Ра́дуйся, душе́вныя си́лы оживи́вый; ра́дуйся, страсте́й стремле́ния умертви́вый.

Кондак 3

Си́лою на Афо́не обле́клся еси́ свято́ю, прие́м и́ноческий о́браз, и в не́мощи пло́ти к по́стническим угото́вался еси́ трудо́м, Григо́рие блаже́нне, Укрепля́ющему тя зовы́й: Аллилу́ия.

Икос 3

Просия́л еси́ безмо́лвием и усе́рдным по́двигом вся́ким де́ятельнаго жи́тельства и у́мною моли́твою Спа́су в та́инстве соедини́лся еси́, Све́та боже́ственнаго исполня́ем и просвеща́я тебе́ вопию́щия: Ра́дуйся, свети́льниче безмо́лвия; ра́дуйся, о́бразе воздержа́ния. Ра́дуйся, у́мныя моли́твы де́лателище; ра́дуйся, де́ятельнаго жи́тельства сокро́вище.

Ра́дуйся, сосу́де многоце́нный дохнове́ния Уте́шителева; ра́дуйся, уста́ богоно́сная гла́са духо́внаго. Ра́дуйся, я́ко превозше́л еси́ преде́лы тле́ния; ра́дуйся, я́ко взира́еши на сла́ву Бо́жию. Ра́дуйся, зря́й Све́т боже́ственный; ра́дуйся, Бо́га ви́дяй и от Него ви́димый. Ра́дуйся, бу́яя упраздня́яй мудрова́ния; ра́дуйся, лю́тая отгоня́яй нападе́ния.

Ра́дуйся, о́тче Григо́рие, благода́ти пропове́дниче.

Кондак 4

Пожи́в в безмо́лвии, я́коже а́нгел, о́тче, го́рнее светозаре́ние прия́л еси́ и, испо́лнь вои́стину боже́ственнаго Све́та, отше́л еси́ от Афо́на я́коже со́лнце, Григо́рие богому́дре, воспламеня́я пою́щия: Аллилу́ия.

Икос 4

Обличи́л еси́ боже́ственным сло́вом и прему́дрости си́лою и догма́ты святы́ми, богому́дре, злосла́вие Варлаа́мово, удиви́в вся твое́ю благода́тию, учи́тель бо боже́ственный вопию́щим показа́лся еси́: Ра́дуйся, цевни́це благоче́стия; ра́дуйся, паде́ние злоче́стия.

Ра́дуйся, Це́ркве вели́кий учи́телю; ра́дуйся, богоза́рности невеще́ственныя испо́лненный. Ра́дуйся, вети́е многому́дрый догма́тов пра́вых; ра́дуйся, мечу́ обоюдоо́стрый на вся вражду́ющия. Ра́дуйся, у́мных плеве́л искорени́телю; ра́дуйся, доброде́телей небе́сных насади́телю.

Ра́дуйся, мно́гий в сло́ве благода́ти; ра́дуйся, кро́ткий во все́х и незло́бивый. Ра́дуйся, ве́рных сердца́ утвержда́яй; ра́дуйся, страсте́й вины́ попаля́яй.

Ра́дуйся, о́тче Григо́рие, благода́ти пропове́дниче.

Кондак 5

Богоглаго́ливым язы́ком на собо́ре боже́ственнем, я́ко испо́лнь небе́сныя прему́дрости, изложи́л еси́, о́тче, Правосла́вия вои́стину святы́я догма́ты, я́ко отце́м единоду́шный, Григо́рие, с ни́миже зове́ши: Аллилу́ия.

Икос 5

Святи́тель богому́дрый, я́ко доброде́телей сокро́вище и таи́нник восхожде́ний боже́ственных, и Фессалони́тский па́стырь богови́ден и прему́др был еси́ боже́ственным жре́бием, преподо́бне, слы́ша от нас сицева́я: Ра́дуйся, уста́ богосло́вов; ра́дуйся, держа́во правосла́вных. Ра́дуйся, иере́ев пра́вило точне́йшее; ра́дуйся, па́стырей о́бразе богонапечатле́нный.

Ра́дуйся, трубо́ боговеща́нная уче́ний свяще́нных; ра́дуйся, исто́чниче богостру́йный, во́ду но́ву источа́яй. Ра́дуйся, Солу́ню благосла́вный пастыренача́льниче; ра́дуйся, Правосла́вия богоглаго́ливый предста́телю. Ра́дуйся, Све́та боже́ственнаго служи́телю; ра́дуйся, жи́зни непоро́чныя учи́телю.

Ра́дуйся, душе́вную скве́рну очища́яй; ра́дуйся, ве́рных ре́вность возбужда́яй.

Ра́дуйся, о́тче Григо́рие, благода́ти пропове́дниче.

Кондак 6

Пропове́дник Све́та боже́ственнаго быв, богоглаго́ливе, я́ко того́ прича́стник в житии́, на той подъе́мшия гла́с слове́с све́тлостию затми́л еси́, и вся воздви́гл еси́, Григо́рие, Бо́гови зва́ти: Аллилу́ия.

Икос 6

Возсия́в на собо́ре, я́ко све́тлый богосло́в и уста́ неизглаго́ланныя Прему́дрости, неприча́ствуемо бы́ти Бо́жие существо́ боговеща́яй пропове́дал еси́, прича́ствуемо же де́йство, тебе́ вопию́щим, о́тче: Ра́дуйся, ве́лий священнояви́телю; ра́дуйся, боже́ственный богояви́телю. Ра́дуйся, вы́шния све́тлости возвести́телю; ра́дуйся, обоже́ния све́тлый тайнописа́телю.

Ра́дуйся, у́мнаго трезве́ния вождю́ богови́дный; ра́дуйся, моли́твы вну́тренния наста́вниче непреле́стный. Ра́дуйся, я́ко испо́лнился еси́ благода́тей небе́сных; ра́дуйся, я́ко приобщи́лся еси́ осия́ний боже́ственных. Ра́дуйся, Бо́жию ви́девый све́тлость; ра́дуйся, страсте́й изгоня́яй те́мность.

Ра́дуйся, догма́тов правосла́вных основа́ние; ра́дуйся, струй богото́чных исто́чниче.

Ра́дуйся, о́тче Григо́рие, благода́ти пропове́дниче.

Кондак 7

Ве́лий во святи́телех вои́стину показа́лся еси́, Григо́рие му́дре, богояви́телю, я́ко апо́стольским житие́м и ди́вными доброде́тельми украше́н, преподо́бне, и вся воздвиза́еши пе́ти: Аллилу́ия.

Икос 7

Не́ктар невеще́ственный боже́ственный и ма́нну душепита́тельную и мед и́же из ка́мене источа́ющся, я́ко рече́ свяще́нный Дави́д, твои́х слове́с завеща́ния подаю́т, Григо́рие всечу́дне, веселя́ще вопию́щия: Ра́дуйся, язы́че сладча́йший; ра́дуйся, зра́че боже́ственнейший. Ра́дуйся, подо́бниче Спа́сов и подража́телю; ра́дуйся, ревни́телю отце́м и сообита́телю.

Ра́дуйся, ве́яние небе́сное, ду́ши прохлажда́ющее; ра́дуйся, росо́ духора́дованная, нас ороша́ющая. Ра́дуйся, благово́ние свято́е чи́стаго жи́тельства; ра́дуйся, пи́ще соверше́нная душе́внаго пи́ршества. Ра́дуйся, ча́ше не́ктара безсме́ртнаго; ра́дуйся, лю́тых мудрова́ний обличи́телю. Ра́дуйся, богоно́сцев сия́ние му́дрых; ра́дуйся, люде́й води́телю правосла́вных.

Ра́дуйся, о́тче Григо́рие, благода́ти пропове́дниче.

Кондак 8

Стра́нная даде́ся благода́ть во излия́нии бога́те устна́ма твои́ма, богояви́телю, отню́дуже, я́ко ве́лия река́, из Еде́ма происходя́щая, Григо́рие, Це́рковь всю напоя́еши, Го́сподеви вопию́щую: Аллилу́ия.

Икос 8

Гора́, о́тче, Афо́нская све́тлыя твоя́ по́двиги с Солу́нем пропове́дует, и вся Це́рковь ве́рных я́ко богоза́рнаго тя честву́ет изъяви́теля Све́та и́же па́че смы́сла, и́мже просвеща́еши вопию́щия: Ра́дуйся, уста́ богоно́сная; ра́дуйся, сосу́де мироно́сный. Ра́дуйся, трисо́лнечнаго осия́ния орга́не; ра́дуйся, безмо́лвия соверше́ннаго ни́во.

Ра́дуйся, до́ме богосве́тлый боже́ственнаго де́йства; ра́дуйся, бога́тство некра́домое и́же в Ду́се живота́. Ра́дуйся, я́ко прия́л еси́ боже́ственная дая́ния; ра́дуйся, я́ко отврати́л еси́ Варлаа́мова пустосло́вия. Ра́дуйся, и́мже Афо́н велича́ется; ра́дуйся, и́мже пре́лесть отгоня́ется.

Ра́дуйся, све́тлая Солу́ню сла́во; ра́дуйся, тве́рдая Правосла́вия держа́во.

Ра́дуйся, о́тче Григо́рие, благода́ти пропове́дниче.

Кондак 9

Ре́ки от чре́ва твоего́ та́инственным одожде́нием с небесе́, я́ко рече́ Спас, теку́т, о́тче прему́дре, и жа́ждущая сердца́ напоя́ют от живо́тныя струи́, Григо́рие, Бо́гови зва́ти: Аллилу́ия.

Икос 9

Легча́йше, о́тче, подъя́л еси́ искуше́ния разли́чная за до́брое испове́дание, и я́коже зла́то во огни́ искуше́н все́ми, превозсия́л еси́, возводя́ к лу́чшим благогове́йне ти вопию́щия: Ра́дуйся, ка́меню благому́жества; ра́дуйся, ка́меню терпе́ния. Ра́дуйся, искуше́ний наше́ствия не убоя́выйся; ра́дуйся, страсте́й пещь угаси́вый.

Ра́дуйся, стено́ неколеби́мая Це́ркве Христо́вы; ра́дуйся, свети́льниче многосве́тлый люде́й богому́дрых. Ра́дуйся, я́ко ско́рби в ра́дости поне́сл еси́; ра́дуйся, я́ко Го́сподеви со сла́вою предста́л еси́. Ра́дуйся, Бо́жия та́инства пропове́давый; ра́дуйся, ве́рным спаси́тельная предложи́вый.

Ра́дуйся, душ домострои́телю боже́ственный; ра́дуйся, Христо́в дру́же боже́ственнейший.

Ра́дуйся, о́тче Григо́рие, благода́ти пропове́дниче.

Кондак 10

Уст твои́х словесы́ правосла́вная ве́ра утверди́ся в Ду́се боже́ственнем: дре́вним бо боже́ственным отце́м единонра́вен и единоду́шен быв, гла́сы тех, преподо́бне, возгла́вил еси́, поя́: Аллилу́ия.

Икос 10

Све́та нетва́рнаго наслажда́яся луча́ми, возсия́вшаго на Фаво́ре, сего́ словопису́еши свяще́нне сла́ву, добро́ту, све́тлость и воздвиза́еши, свя́те, ко приобще́нию вопию́щия: Ра́дуйся, све́та нетва́рнаго таи́нниче; ра́дуйся, от страсте́й душетле́нных изба́вителю. Ра́дуйся, бу́дущаго благосла́вия предначина́ние; ра́дуйся, су́щих в ско́рби ду́ш утеше́ние.

Ра́дуйся, я́ко бу́ию показа́л еси́ му́дрость Варлаа́мову; ра́дуйся, я́ко возвести́л еси́ Ду́ха благода́ть. Ра́дуйся, архиере́ев боже́ственное удобре́ние; ра́дуйся, светоно́сное сокро́вище богосло́вия. Ра́дуйся, све́та невеще́ственнаго зерца́ло; ра́дуйся, чужды́х догма́тов се́рпе. Ра́дуйся, ра́досте правосла́вных и да́ре; ра́дуйся, вра́жий ро́г низверга́яй.

Ра́дуйся, о́тче Григо́рие, благода́ти пропове́дниче.

Кондак 11

Высо́ким помышле́нием и прему́дростию боже́ственною пропове́дав Бо́жия вели́чия, Ду́ха боже́ственных плодо́в открыва́еши благода́ти, Григо́рие, чи́стым ду́хом, и́хже причаща́ются вопию́щии: Аллилу́ия.

Икос 11

Светоза́рно твое́ житие́ доброде́телей луча́ми, Григо́рие, яви́ся, боговеща́нне, испо́лнь же све́та вои́стину уче́ние твое́, блаже́нне: Бо́гови бо приво́диши вся́ческия уче́нии твои́ми, вопию́щия: Ра́дуйся, исто́чниче уче́ния; ра́дуйся, утвержде́ние Правосла́вия. Ра́дуйся, жи́тельства свята́го о́бразе; ра́дуйся, Це́ркве боже́ственныя ве́нче.

Ра́дуйся, жития́ чисте́йшаго возвести́телю чу́дный; ра́дуйся, сло́ва благода́тнаго пропове́дниче свяще́нный. Ра́дуйся, я́ко душ вся́ку скве́рну очища́еши; ра́дуйся, я́ко на спасе́ния стезю́ наставля́еши. Ра́дуйся, свети́льниче невеще́ственных осия́ний; ра́дуйся, свети́ло вы́шних тайнонауче́ний.

Ра́дуйся, его́же ра́ди Це́рковь лику́ет; ра́дуйся, его́же ра́ди всяк ве́рный боже́ственно ра́дуется.

Читайте также:  Молитва о сохранении беременности: сильные тексты и к кому обращаться

Ра́дуйся, о́тче Григо́рие, благода́ти пропове́дниче.

Кондак 12

Ра́дость испроси́ боже́ственную и душ спасе́ние, Григо́рие, му́дрый святи́телю, приходя́щим к тебе́ благогове́йне и све́тлыя твоя́ по́двиги честву́ющим; све́та бо я́ко служи́тель, просвеща́еши вопию́щия: Аллилу́ия.

Икос 12

Пою́ще твоя́ труды́ и боже́ственныя по́двиги, я́же соверши́л еси́ Це́ркве ра́ди, благочести́вых ли́цы вы́ну пою́т тя, Григо́рие, и благода́рными усты́ вопию́т ти непреста́нно: Ра́дуйся, держа́во Це́ркве; ра́дуйся, вети́е благоче́стия. Ра́дуйся, пустосло́ва Акинди́на постыди́вый; ра́дуйся, си́лу богода́нную яви́вый.

Ра́дуйся, апо́столом купножи́телю, я́ко во всех подража́тель; ра́дуйся, о́бщниче и прича́стниче зари́ богонача́льныя. Ра́дуйся, Фессалони́тская све́тлая денни́це; ра́дуйся, Правосла́вия подви́жниче богоглаго́ливый. Ра́дуйся, душ на́ших наслажде́ние; ра́дуйся, вся́каго правосла́внаго утвержде́ние.

Ра́дуйся, хра́ма честна́го твоего́ све́тлосте; ра́дуйся, люде́й ве́рных твои́х весе́лие.

Ра́дуйся, о́тче Григо́рие, благода́ти пропове́дниче.

Кондак 13

О боже́ственный о́тче, таи́нниче неизглаго́ланных, Григо́рие, отце́в кра́ю, твои́х люде́й приими́ гла́сы и твое́ предста́тельство да́ждь всем: ве́рно бо к тебе́ притека́ем и Тро́ице вопие́м: Аллилу́ия.

Сей кондак глаголи трижды, посем 1-й икос и 1-й кондак.

Молитва святителю Григорию Паламе, архиепископу Солунскому

О треблаже́нная и честна́я вои́стину и превожделе́нная главо́, безмо́лвия держа́во, мона́шествующих сла́во, о́бщее богосло́вов и отце́в и учи́телей укра́шение, апо́столов сподви́жниче, испове́дников и му́чеников безкро́вный ревни́телю и венча́телю словесы́ и дея́ньми и благоче́стия побо́рниче и воево́до взбра́нный, боже́ственных догма́тов высо́кий изъясни́телю и учи́телю, пре́лести многоразли́чных ересе́й потреби́телю, всея́ Це́ркве Христо́вы предста́телю, и стра́же, и изба́вителю! Ты и преста́влься ко Христу́ назира́еши у́бо и ны́не ста́до твое́ и всю Це́рковь свы́ше, боле́зни разли́чныя исцеля́я и словесы́ твои́ми вся управля́я, и е́реси изгоня́я, и многообра́зных страсте́й избавля́я. Приими́ же и на́ше сие́ моле́ние и изба́ви нас от страсте́й и искуше́ний, и треволне́ний, и бед, и осла́бу и мир и благоде́нствие нам пода́ждь, о Христе́ Иису́се Го́споде на́шем, Ему́же сла́ва и держа́ва подоба́ет со безнача́льным Его́ Отце́м и Животворя́щим Ду́хом, ны́не и при́сно и во ве́ки веко́в. Ами́нь.

[1] Коричное дерево; корица.

Житие и иконография святого Григория Паламы, тексты молитв и тропарей

Раскол в христианстве на православие и католичество из-за различий в церковных догматах в IV веке не остановил процесс формирования вероучения.

В XIV веке в православии появилось новое течение, затрагивающее фундаментальные положения о сущности Бога, его проявлениях.

Православная Церковь чтит Григория Паламу, как выдающегося богослова того времени, давшего отпор лжеучению, и святого, мощи которого имеют чудодейственную силу.

Житие Григория Паламы

О происхождении, месте и времени рождения святителя известно, что родился он в 1296 году в местности, где правили турки. Семья переехала в Константинополь, где ее глава, Константин Палама, стал высокопоставленным чиновником у базилевса Андроника II.

Отец Григория пользовался авторитетом и уважением императора. После его смерти (мальчику тогда исполнилось 5 лет), Андроник II взял ребенка под свою опеку. Блестящие способности Григория сулили ему успешную карьеру на государственном и политическом поприще.

Мировоззрение юноши изменилось после общения с афонскими монахами. Когда ему исполнилось 20 лет, он покинул Константинополь, чтобы стать монахом.

Палама отстаивал основы православия против зародившейся в 30-х годах XIV века ереси. В течение 20 лет он написал многочисленные труды, посвященные полемике с Варлаамом и его последователями, нравственным аспектам веры, молитве к Пресвятой Богородице.

Образование

Дальнейшим воспитанием Григория по поручению императора занимался логофет (высший чиновник царской и патриаршей канцелярии) Феодор Метохит. Григорий окончил императорский университет, где изучил светские дисциплины (риторику, грамматику, физику, логику) и философию. Юношу ждала блестящая карьера при дворе, но он увлекся богословием и решил стать аскетом, посвятив жизнь познанию Бога.

Отъезд на Афон

В 1316 году Григорий Палама, отказавшись от родительского наследства, с двумя братьями покинул столицу Византии и отправился на Святой Афон. В Ватопедском монастыре он, спустя два года послушничества, стал монахом.

От своего духовного учителя, преподобного Никодима Ватопедского, Палама воспринял идеи исихазма. После смерти старца Григорий перешел в Великую Лавру на Афоне, где продолжал духовное служение под руководством старца Афанасия.

В 1326 году монахи покинули Святой Афон, опасаясь турецкого нашествия. Григорий, вместе с другими монахами, перебрался в Фессалоники (Солунь), где был рукоположен в сан иерея.

Будучи священнослужителем, Палама не оставил аскетичный образ жизни. Он основал отшельническую общину близ города Веррии. С понедельника по пятницу Григорий проводил время в уединенной келье, где предавался духовным молитвам. По выходным он общался с мирянами: служил обряды, произносил проповеди.

В 1331 году Григорий Палама вернулся на Афон, где стал отшельником в обители святого Саввы. С 1333 по 1336 год святитель был игуменом Есфигменского монастыря. В последующем он неоднократно возвращался в скит, но борьба с лжеучением потребовала его присутствия в Константинополе, Фессалониках.

Умное делание

В 1321 году, стремясь постигнуть вершины духовного самосовершенствования, Григорий Палама оставил Лавру и поселился в обители Глоссии. Афонские исихасты усвоили умное делание (постоянное молитвенное состояние), основу аскетизма в православии. Настоятель скита учил молодого отшельника постоянному сосредоточенному духовному обращению к Богу.

Умное делание требует безлюдной тишины. Отшельников, применяющих его на практике, называли исихастами. Григорий проникся духом исихазма и стал его убежденным последователем.

Полемика с Варлаамом

Основоположником новой ереси был монах Варлаам Калабрийский. В своем учении, которое он стал распространять не только в устной, но и письменной форме, критике подверглись сначала исихасты, а затем и догматические основы православия.

В своих изречениях и письмах Варлаам в острой форме высмеивал исихастов за их утверждения, что во время созерцания и постоянной молитвы они видят Божественный свет, то есть могут общаться с Богом. Развивая свою теорию, он пришел к выводу (и нашел сторонников среди высшего церковного руководства), что воссоединение с Богом невозможно.

Основные догматы православия гласят, что после смерти праведник попадет в Царствие Небесное, где правят три ипостаси Бога: Бог-Отец, Бог-Сын, Святой Дух. Святой Дух исходит от Бога-Отца, является не атмосферным или эфемерным феноменом, а благодатью, доступной человеку духовно и нравственно подготовленному.

Преподобный Палама сначала вступил в устную полемику, пытаясь разубедить Варлаама, а затем написал ответные трактаты.

Насколько яростным был спор между Паламой, Варлаамом и его сторонниками, свидетельствуют решения, принятые на Православных Соборах:

  • 1341 год – осуждение Варлаама;
  • 1342 год – осуждение Паламы;
  • 1344 год – отлучение святого Григория от Церкви;
  • 1347 год – осуждение идейных противников святителя, реабилитация, восстановление в Церкви;
  • 1351 год – подтверждение догматического учения, сформулированного Григорием Паламой, о разделении Божественной сущности и Божественной энергии, о нетварном происхождении Божественного света.

На соборе 1341 года при личной дискуссии с Варлаамом, в присутствии высших церковных чинов Григорий Палама доказал незыблемость апостольского вероучения. Варлаам был принужден извиниться за свои нападки на исихастов, подписать отказ от своих взглядов. После собора Варлаам покинул Константинополь и уехал в Италию.

Но семена ереси продолжали прорастать, и сподвижники Варлаама в течение последующих 10 лет уже боролись лично против Григория. Борьба между наследниками византийского престола усугубила гонение на богослова.

Окончательный документ, закрепивший решение синода 1341 года, был подписан в 1351 году патриархом Каллистой Константинопольским, митрополитами Григорием Паламой (утвержден в сан в 1347 году) и Филофеем Коккиным.

История мощей святого

Святитель скончался 14 ноября 1357 (или 1359) года в Фессалониках, в сане митрополита. Похоронен в соборе Святой Софии. Когда Византийская империя была захвачена турками-османами (1523 год), то православный храм был превращен в мечеть. Мощи святого были перенесены в монастырь Влатадон (Салоники), откуда вскоре переместили в городской собор.

В 1890 году в соборе случился пожар, но мощи святителя не пострадали от огня. Мощи обрели покой в восстановленном кафедральном соборе, который был освящен в его честь в 1914 году.

Обретение

Тело святителя после смерти было положено в соборе Святой Софии в Фессалониках. Чудесная сила мощей Григория Паламы проявилась сразу, что было отражено в Похвальном слове о житии святого, составленном патриархом Константинопольским Филофеем Коккиным.

Текущее местоположение

Частицы мощей святого, кроме соборов в Фессалониках, хранятся в монастырях Афона:

  • Эсфигменском;
  • Ксенофонтском;
  • преподобного Дионисия;
  • великомученика Пантелеимона.

Поклониться святым мощам Григория Паламы можно в лавре святого Саввы Освященного в Израиле.

Читайте также:  Пимен великий: житие преподобного и икона, день памяти святого и в чем помогает

Чудодейственная сила

При жизни Григория Паламы было известно, что по его молитве Бог исцелял страждущих. Сообщения датируются 1355-1357 годами. После смерти митрополита чудесная сила не исчезла.

Люди стали получать облегчение от болезней после молитвы и прикосновения к серебряной раке, где упокоились останки Паламы.

Слава о силе святых мощей дошла до Константинопольского патриарха Каллисты I, который сделал запрос о чудотворных исцелениях.

Иконография

Самое раннее изображение святителя появилось в монастыре Влатадон (ориентировочно в 1360 году). На настенной росписи видна фигура святого в пол-оборота с нимбом над головой и Евангелием в руках.

На иконах Григория Паламу изображают как старца с густой, длинной бородой и в одеянии архиепископа или темноволосым, с бородой средней длины. На всех иконах у него в одной руке Евангелие или свиток.

День памяти

В Церковном календаре день памяти святого Григория Паламы – 14 ноября. Преходящее поминовение – в воскресенье второй недели Великого поста.

Почитание

Почитание Григория Паламы, как местного святого, началось после его смерти в Великой Лавре на Афоне. Через 11 лет он был канонизирован синодальным декретом.

Молитвы и тропари святому

Молитва первая

О треблаженная и честная воистину и превожделенная главо, безмолвия державо, монашествующих славо, общее богословов и отцев и учителей украшение, апостолов сподвижниче, исповедников и мучеников безкровный ревнителю и венчателю словесы и деяньми и благочестия поборниче и воеводо взбранный, божественных догматов высокий изъяснителю и учителю, прелести многоразличных ересей потребителю, всея Церкве Христовы предстателю, и страже, и избавителю! Ты и преставлься ко Христу назираеши убо и ныне стадо твое и всю Церковь свыше, болезни различныя исцеляя и словесы твоими вся управляя, и ереси изгоняя, и многообразных страстей избавляя. Приими же и наше сие моление и избави нас от страстей и искушений, и треволнений, и бед, и ослабу и мир и благоденствие нам подаждь, о Христе Иисусе Господе нашем, Ему же слава и держава подобает со безначальным Его Отцем и Животворящим Духом, ныне и присно и во веки веков. Аминь.

Молитва вторая

О, всехва́льный святи́телю Христо́в и чудотво́рче Григо́рие! Приими́ сие́ ма́лое моле́ние от на́с гре́шных к тебе́ прибега́ющих и те́плым твои́м предста́тельством умоли́ Го́спода Бо́га на́шего Иису́са Христа́, я́ко да, призре́в на ны́ ми́лостивно, да́рует на́м согреше́ний на́ших во́льных и нево́льных проще́ние, и по вели́цей Свое́й ми́лости изба́вит на́с от бе́д, печа́лей, ско́рби и боле́зней душе́вных и теле́сных, обдержа́щих на́с; да пода́ст земли́ плодоно́сие, и вся́, я́же на по́льзу настоя́щаго жития́ на́шего потре́бная; да да́рует на́м сконча́ти житие́ сие́ привре́менное в покая́нии, и да сподо́бит на́с гре́шных и недосто́йных Небе́снаго Ца́рствия Своего́, со все́ми святы́ми сла́вити Его́ безконе́чное милосе́рдие, со Безнача́льным Его́ Отце́м и Святы́м и Животворя́щим Его́ Ду́хом, во ве́ки веко́в. Ами́нь.

Молитва третья

Все́х правосла́вных наста́вниче и Це́ркви сия́ние, о́тче Григо́рие, вся́каго обстоя́ния на́с изба́ви, боже́ственной ико́не твое́й припа́дающе ве́рою, свобожда́я от навожде́ния на на́с вра́жия, ты́ бо помо́щник на́ш явля́ешися и исполня́ешися и исполня́еши при́сно проше́ния све́тло ублажа́ющих тя́, на вся́ко вре́мя моля́ся Трисия́нной Тро́ице, Е́йже подоба́ет ве́лия сла́ва, че́сть и поклоне́ние Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Тропари

Православия светило, Церкви утверждение и учитель. Монахов красота, богословов защитник непреоборимый, Григорий чудотворец, Фессалоникийская хвала, провозвестник благодати, моли непрестанно о спасении душ наших.

Православия учитель, святителей украшение, богословов защитник непобедимый, Григорий чудотворец, Салоник великая хвала, провозвестник благодати, моли Христа Бога о спасении душ наших.

Канон Недели Второй Великого поста, святителя Григория архиепископа, Фессалонитскаго чудотворца, Паламы

Молитвами святых отец наших, Господи Иисусе Христе Боже наш, помилуй нас. Аминь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, (трижды). Сла́ва, и ны́не:

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Тропарь, глас 8:

Правосла́вия свети́льниче, / Це́ркве утвержде́ние и учи́телю, мона́хов добро́то, / богосло́вов побо́рниче непребори́мый, Григо́рие чудотво́рче, / Фессалони́тская похвало́, пропове́дниче благода́ти, / моли́ся вы́ну спасти́ся душа́м на́шим.

Слава, И ныне.

Кондак, глас 8.

  • Прему́дрости свяще́нный и Боже́ственный орга́н, / богосло́вия све́тлую согла́сно трубу́, / воспева́ем тя, Григо́рие богоглаго́льниче, / но я́ко ум Уму́ пе́рвому предстоя́й, / к Нему́ ум наш о́тче наста́ви, да зове́м: / ра́дуйся, пропове́дниче благода́ти.
  • Го́споди поми́луй, (12 раз). Сла́ва, и ны́не:
  • Прииди́те, поклони́мся Царе́ви на́шему Бо́гу.
  • Прииди́те, поклони́мся и припаде́м Христу́, Царе́ви на́шему Бо́гу.
  • Прииди́те, поклони́мся и припаде́м Самому́ Христу́, Царе́ви и Бо́гу на́шему.

1В коне́ц, псалом Давиду, внегда внити к нему Нафа́ну проро́ку, 2егда́ вни́де к Вирсави́и, жене́ Ури́еве, 50

3Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. 4Наипа́че омы́й мя от беззако́ния моего́, и от греха́ моего́ очи́сти мя. 5Яко беззако́ние мое́ аз зна́ю и грех мой предо мно́ю есть вы́ну.

6Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. 7 Се бо в беззако́ниих зача́т есмь, и во гресе́х роди́ мя ма́ти моя́. 8Се бо и́стину возлюби́л еси́, безве́стная и та́йная прему́дрости Твоея́ яви́л ми еси́.

9Окропи́ши мя иссо́пом, и очи́щуся, омы́еши мя, и па́че сне́га убелю́ся. 10Слу́ху моему́ да́си ра́дость и весе́лие, возра́дуются ко́сти смире́нныя. 11Отврати́ лице́ Твое́ от грех мои́х, и вся беззако́ния моя́ очи́сти. 12Се́рдце чи́сто сози́жди во мне, Бо́же, и дух прав обнови́ во утро́бе мое́й.

13Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. 14Возда́ждь ми ра́дость спасе́ния Твоего́, и Ду́хом Влады́чним утверди́ мя. 15Научу́ беззако́нныя путе́м Твои́м, и нечести́вии к Тебе́ обратя́тся.

16Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твоей. 17Го́споди, устне́ мои́ отве́рзеши, и уста́ моя́ возвестя́т хвалу́ Твою́. 18Яко а́ще бы восхоте́л еси́ же́ртвы, дал бых у́бо, всесожже́ния не благоволи́ши.

19Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. 20Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. 21тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.

  1. Слава, глас 8:
  2. Покая́ния отве́рзи ми две́ри, Жизнода́вче, / у́тренюет бо дух мой ко хра́му свято́му Твоему́, / храм нося́й теле́сный весь оскверне́н: / но я́ко щедр, очи́сти / благоутро́бною Твое́ю ми́лостию.
  3. И ныне, Богородичен:
  4. На спасе́ния стези́ наста́ви мя, Богоро́дице, / сту́дными бо окаля́х ду́шу грехми́, / и в ле́ности все житие́ мое́ ижди́х: / но Твои́ми моли́твами / изба́ви мя от вся́кия нечистоты́.
  5. Таже, глас 6: Поми́луй мя, Бо́же, / по вели́цей ми́лости Твое́й, / и по мно́жеству щедро́т Твои́х, / очи́сти беззако́ние мое́.
  6. Мно́жества соде́янных мно́ю лю́тых помышля́я окая́нный, / трепе́щу стра́шнаго дне су́днаго: / но наде́яся на ми́лость благоутро́бия Твоего́, / я́ко Дави́д вопию́ Ти: / поми́луй мя, Бо́же, / по вели́цей Твое́й ми́лости.

Канон святаго. Глас 4

Песнь 1

  • Ирмос: Отве́рзу уста́ моя́, / и напо́лнятся Ду́ха, / и сло́во отры́гну Цари́це Ма́тери, / и явлю́ся, све́тло торжеству́я, / и воспою́, ра́дуяся, Тоя́ чудеса́.
  • Ри́торов боже́ственнии, и богосло́вов изря́днии, и язы́цы боговеща́ннии, / прииди́те сни́дитеся в соедине́ние, / воспе́ти по достоя́нию духори́тора, боже́ственнаго Григо́рия.
  • Столп ве́ры, Це́ркве побо́рник, / вели́кий Григо́рий да восхва́лится мно́ю, / всеизря́дный па́стырь Фессалони́тский, / красота́ чи́на иера́ршескаго вои́стинну.
  • От младе́нства возжела́л еси́ лу́чшее житие́, / и соверше́нное о́тче от ю́ности возлюби́л еси́ мудрова́ние, / и купнонра́вен, и единому́дрен показа́лся еси́ / тезоиме́нствующаго тебе́, о́тче Григо́рие.
  • Богородичен: Бу́ди ми, Всенепоро́чная, живота́ путь, / наставля́ющий мя к Боже́ственным селе́нием, / прельсти́хся бо, и к про́пастем зло́бы поползну́хся, / от ни́хже мя возведи́ хода́тайством Твои́м.
Читайте также:  Икона троеручица: история, значение и в чем помогает, куда вешать образ богоматери

Песнь 3

  1. Ирмос: Твоя́ песносло́вцы, Богоро́дице, / живы́й и незави́стный Исто́чниче, / лик себе́ совоку́пльшия, духо́вно утверди́, / в Боже́ственней Твое́й сла́ве / венце́в сла́вы сподо́би.

  2. Струи́ Боже́ственных уче́ний твои́х сохраня́ющии, / вся́кия ко́зни злосла́вных избега́ем, / и вся избива́ем твои́ми свяще́нными списа́ньми / полки́ сих, Григо́рие.

  3. Прему́дрости бу́ия злосла́вных разруши́л еси́, блаже́нне, / прему́дрость Бо́жию ипоста́сную име́я в се́рдце твое́м, / е́юже с шу́мом порази́л еси́ гнила́я сих шата́ния.

  4. Умертви́в пло́ти тле́емыя вся́кое сладостра́стие, прему́дре, / по́стнически оживи́л еси́ души́ твоея́ движе́ния, / и сию́ Боже́ственный орга́н Богосло́вия показа́л еси́.
  5. Богородичен: В ра́зуме ума́ и произволе́нии, / сту́дное же и блу́дное житие́ приле́жно возлюби́х, / но любо́вию Боже́ственною мя свяжи́, / моли́твами Твои́ми, Де́во Богоневе́стная.

Седален, глас 4:

Пре́лесть попали́л еси́ злосла́вных, прему́дре, / ве́ру изъясни́л еси́ правосла́вных до́бре, / и мир просвети́л еси́. / Отону́дуже победоно́сный победи́тель показа́лся еси́, / столп Це́ркве, и́стинный иера́рх, / моля́ся не преста́й Христу́, / спасти́ся всем нам.

Слава. И ныне, Богородичен: Ско́ро приими́ Влады́чице моле́ния на́ша, / и сия́ принеси́ Сы́ну Твоему́ и Бо́гу, / Госпоже́ Всенепоро́чная, / погаси́ обстоя́ния злосла́вных языковре́дных, / укроти́ ко́зни, и низложи́ де́рзость / вооружа́ющихся безбо́жных, / Пречи́стая, на рабы́ Твоя́.

Песнь 4

  • Ирмос: Неизсле́дный Бо́жий сове́т, / е́же от Де́вы воплоще́ния / Тебе́, Вы́шняго, / проро́к Авваку́м усмотря́я, зовя́ше: / сла́ва си́ле Твое́й, Го́споди.
  • Отве́рз уста́ твоя́, о́тче прему́дре, / Боже́ственную прему́дрость пропове́дал еси́, / е́йже поуча́лся еси́ в се́рдце твое́м при́сно, / и Варлаа́ма су́етнаго несмы́сленна и безу́мна показа́л еси́.
  • Заше́л еси́ сладча́йший в зе́млю, со́лнце зако́ном естества́, / возсия́еши же у́тро со Христо́м, со́лнце невече́рнее, / вся назира́я моли́твами твои́ми.
  • Яви́ благода́ть тебе́, блаже́нне Бо́жий, / похвалу́ и утвержде́ние преве́лие правосла́вных, / и па́стыря блага́го, и богосло́ва втора́го, / и ста́да бо́драго храни́теля.
  • Богородичен: Ушеса́ мне отве́рзи душе́вныя, Ма́ти Бо́жия, / роди́вшая пре́жде ушеса́ Отве́рзшаго глухо́му, / и Боже́ственным внима́ти словесе́м, и исполня́ти сподо́би.

Песнь 5

  1. Ирмос: Ужасо́шася вся́ческая / о Боже́ственней сла́ве Твое́й: / Ты бо, Неискусобра́чная Де́во, / име́ла еси́ во утро́бе над все́ми Бо́га / и родила́ еси́ безле́тнаго Сы́на, / всем воспева́ющим Тя / мир подава́ющая.

  2. Серпо́м слове́с твои́х, и свяще́нными списа́ньми / посе́кл еси́ е́реси тернови́дныя, / и пле́вел ло́жная прозябе́ния, / правосла́вия же благочести́вая положи́л еси́ се́мена, / священнонача́льне Григо́рие.

  3. Словеса́ твоя́, всему́дре, и честна́я списа́ния / суть роса́ Небе́сная, / мед ка́менный, хлеб а́нгельский притека́ющим, / питие́, бра́шно, сла́дость, / наслажде́ние, Григо́рие, и исто́чник живы́я воды́.

  4. О́бщаго тя учи́теля познава́ет земля́ и мо́ре, / столп свяще́нный правосла́вия, / и оружеполо́жницу Боже́ственных догма́т честну́ю, / прему́драго богосло́ва свяще́ннаго, / сожи́теля, соприча́стника, апо́столом единонра́внаго.
  5. Богородичен: Струя́ми умиле́ния, / скве́рны се́рдца моего́, Непоро́чная, отмы́й, Де́во, / и покая́ния о́бразы мне да́руй, / Твои́ми к ще́дрому Бо́гу свяще́нными моле́нии, / Его́же неизрече́нно родила́ еси́.

Песнь 6

  • Ирмос: Боже́ственное сие́ и всечестно́е / соверша́юще пра́зднество, / Богому́дрии, Богома́тере, / прииди́те, рука́ми воспле́щим, / от Нея́ ро́ждшагося Бо́га сла́вим.
  • Растерза́ся су́етное шата́ние, / и язы́к Варлаа́ма безу́мнаго, / словесы́ и веле́нии, и ра́зума острото́ю / прему́драго царя́, и твое́ю, Григо́рие.
  • Боже́ственную цевни́цу Ду́ха, / трубу́ я́ве пропове́дающую Боже́ственныя та́йны, / Фессалони́тскаго председа́теля, Богосло́вский язы́к, пе́сньми почти́м.
  • Лю́дем иногда́ предводи́тель, / я́ко столп о́гненный, ве́ры враги́ попали́л еси́, / ве́рных же состоя́ния просвети́л еси́, / богому́дре о́тче Григо́рие.
  • Богородичен: Бу́ди ми, Всечи́стая Влады́чице, / тишина́ и приста́нище утеше́ния, / преводя́щее к Боже́ственному приста́нищу невла́емому, / бу́рю страсте́й мои́х укроти́вши.

Кондак святому, глас 8

Прему́дрости свяще́нный и Боже́ственный орга́н, / богосло́вия све́тлую согла́сно трубу́, / воспева́ем тя, Григо́рие богоглаго́льниче, / но я́ко ум Уму́ пе́рвому предстоя́й, / к Нему́ ум наш о́тче наста́ви, да зове́м: / ра́дуйся, пропове́дниче благода́ти.

Икос.

А́нгел яви́лся еси́ на земли́, неизрече́нная Бо́жия челове́ком возвеща́я.

/ Безпло́тных бо гла́сы, от челове́ческих сый, и пло́тию употребля́яся, удиви́л еси́ нас, / и вопи́ти тебе́ богоглаго́ливе увеща́л еси́ сия́: / ра́дуйся, и́мже тьма сокры́ся; ра́дуйся, и́мже свет взы́де.

/ Ра́дуйся, несозда́ннаго Божества́ а́нгеле; / ра́дуйся, созда́ннаго и бу́яго вои́стинну обличи́телю.

/ Ра́дуйся, высоту́ невосходи́мую, Боже́ственное естество́ реки́й; / ра́дуйся, глубину́ неудо́бь ви́димую, де́йство реки́й; / ра́дуйся, я́ко сла́ву Бо́жию до́бре рекл еси́; / ра́дуйся, я́ко мне́ния злоде́ев отре́кл еси́. / Ра́дуйся свети́льниче, показа́вый Со́лнце; / ра́дуйся ча́ше, пития́ Боже́ственнаго пода́тельнице. / Ра́дуйся, и́мже и́стина просиява́ет; / ра́дуйся, и́мже помрачи́ся лжа. / Ра́дуйся, пропове́дниче благода́ти.

Песнь 7

  1. Ирмос: Не послужи́ша тва́ри Богому́дрии, / па́че Созда́вшаго, / но, о́гненное преще́ние му́жески попра́вше, / ра́довахуся, пою́ще: / препе́тый отце́в Госпо́дь и Бог, благослове́н еси́.

  2. Словесе́м бесе́дующии, и списа́нием твои́м, Григо́рие, / ра́зуму поуча́ются Бо́жию, / и по́лны явля́ются прему́дрости Бо́жия духо́вныя, / и несозда́нную благода́ть, и де́йство Бо́жие богосло́вствуют.

  3. Меч и стре́лы злосла́вных сокруши́л еси́, / и го́рдость Варлаа́мову, и вся́кую си́лу ерети́ческую, / я́ко тка́ние паучи́ны расточи́л еси́, / а́ки ка́мень превели́кий, иера́рше.

  4. Запечатле́ся твои́ми словесы́ и догма́ты ве́ра благочести́вых, / и де́рзость е́реси ста, Григо́рие, / и низложе́ние правосла́вия преста́, и кре́пость злосла́вных.
  5. Богородичен: Струи́ Тя исто́чника, усо́хшии страсте́й боле́зньми, ве́дуще вои́стинну, / почерпа́ем спасе́ние, и Боже́ственныя струи́, и взыва́ем: / благослове́н, Всечи́стая, плод Твоего́ чре́ва.

Песнь 8

  • Ирмос: О́троки благочести́выя в пе́щи / Рождество́ Богоро́дичо спасло́ есть; / тогда́ у́бо образу́емое, / ны́не же де́йствуемое, / вселе́нную всю воздвиза́ет пе́ти Тебе́: / Го́спода по́йте, дела́, / и превозноси́те Его́ во вся ве́ки.
  • Предстои́ши ны́не престо́лу Всеще́драго, / я́ко богосло́вов подо́бный, / и сим единонра́вный всему́дре, Григо́рие, / Фессалони́тский председа́телю, иера́рхов добро́то, / све́тло украси́вся сла́вою священнонача́лия, / Бо́гу и ны́не служа́.
  • Ве́дый чи́стое твоего́ помышле́ния Бог, / и пре́жде чре́ва, и пре́жде зача́тия, / ве́рному возглаго́ла боже́ственному царю́ я́ве, / Це́ркве необори́маго бы́ти тя побо́рника, / те́мже пра́вильным изве́ством, / ми́ром запечатле́н еси́ священнонача́льства.
  • Побежда́ется я́ве и бе́дствует / собра́ние Поликинди́на дла́нию твое́ю, / и му́дрыми твои́ми глаго́лы, / пресла́вне Григо́рие, Фессалони́тский председа́телю, / и я́ко исчеза́ет дым, исчезе́ гнило́е безу́мие, / твои́м громогла́сным и Богосло́вным язы́ком.
  • Богородичен: Сло́во Бо́жие в Тебе́ Де́во, / челове́ческое естество́ погружа́емое страстьми́, / возобрази́ кра́йнею благосты́нею, / и все обнови́ и посвяти́, / те́мже Тобо́ю спасе́ни, / Тя славосло́вим во вся ве́ки.

Песнь 9

Ирмос: Всяк земноро́дный / да взыгра́ется, Ду́хом просвеща́емь, / да торжеству́ет же Безпло́тных умо́в естество́, / почита́ющее свяще́нное торжество́ Богома́тере, / и да вопие́т: / ра́дуйся, Всеблаже́нная, / Богоро́дице, Чи́стая Присноде́во.

Зерца́ло Бо́жие был еси́ Григо́рие, / е́же бо по о́бразу нескве́рное соблю́л еси́, / ум же влады́ку на стра́сти плотски́я му́жески поста́вив, / е́же по подо́бию восприя́л еси́. / Отону́дуже дом был еси́ Святы́я Тро́ицы светле́йший.

  1. Царь благочести́вый крила́таго тя воздухохо́дна показу́ет, сему́ спобо́рствующа, / я́ко всего́ испо́лнена Боже́ственнаго Ду́ха, / на суему́дреннаго неи́стовствующаго Варлаа́ма, / глаго́лющаго на высоту́ непра́ведная Бо́гу, / его́же пра́ведно победи́л еси́.
  2. Весь быв прему́дрости лу́чшия испо́лнен пресла́вне, / свет ми́рови просвети́л еси́, / правосла́вия источи́в догма́ты: / дру́жеством бо изря́днаго любому́дрия прему́дре, / Боже́ственный страх во чре́ве зача́л еси́, / и словеса́ Ду́ха породи́л еси́.
  3. Богородичен: Песнь Тебе́ ве́рнии согла́сно прино́сим благодаре́ния, / Ты бо дре́внюю разруши́ла еси́ на́шу кля́тву, Богороди́тельнице, / и благослове́ние вси Боже́ственное прие́млем, / спасе́ние, просвеще́ние, и ми́лость Тобо́ю, / и ра́дость ве́чную.

Молитва святителю Григорию Паламе

О треблаженная и честная воистину и превожделенная главо, безмолвия державо, монашествующих славо, общее богословов и отцев и учителей украшение, апостолов сподвижниче, исповедников и мучеников безкровный ревнителю и венчателю словесы и деяньми и благочестия поборниче и воеводо взбранный, божественных догматов высокий изъяснителю и учителю, прелести многоразличных ересей потребителю, всея Церкве Христовы предстателю, и страже, и избавителю! Ты и преставлься ко Христу назираеши убо и ныне стадо твое и всю Церковь свыше, болезни различныя исцеляя и словесы твоими вся управляя, и ереси изгоняя, и многообразных страстей избавляя. Приими же и наше сие моление и избави нас от страстей и искушений, и треволнений, и бед, и ослабу и мир и благоденствие нам подаждь, о Христе Иисусе Господе нашем, Емуже слава и держава подобает со безначальным Его Отцем и Животворящим Духом, ныне и присно и во веки веков. Аминь.

Окончание канона

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Го́споди поми́луй, (трижды.) Сла́ва, и ны́не:

Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших, святителя Григория Паламы и всех святых помилуй нас. Аминь.

Добавить комментарий

Ваш e-mail не будет опубликован. Обязательные поля помечены *